O xogo é unha actividade presente en todos os pobos e culturas; e de xeito permanente, na vida das persoas. O xogo é unha actividade facilitadora de aprendizaxes imprescindíbeis para vivir. Forma parte da educación, proporciona pracer, diversión, ledicia e certa evasión da realidade. O xogo é parte fundamental da cultura dos pobos.Por este motivo, Imos levar a cabo unha compilación dos xogos populares e tradicionais aos que xogaban os nosos avós e avoas, ou os nosos propios pais en moitas das rúas e prazas da nosa cidade. Dita actividade pódenos vir moi ben para coñecer o noso entorno, costumes e historia, ademais de ampliar o noso bagaxe motriz á hora de realizalos no patio do colexio ou fora do Centro no noso tempo de ocio. Trátase dunha actividade conxunta entre fillos e fillas, pais e nais, así como, abos e aboas.
Para realizar esta actividade, tendes que preguntar a alguén da vosa familia sobre un xogo tradicional o que xogase cando era neno/a e cubrir os datos desta ficha.
No hay comentarios:
Publicar un comentario